Jardunaldixen jarraipena

Argazkiak.org | Teknologia punta © cc-by-sa: txikillana
Jardunaldixetako blogian, bertako ekimenen jarraipen aktualizaua dakazue argazki eta testuekin. Prentsa "bulegua".

Rinozerontiak, oreiñak eta ursus spelaeus

Argazkiak.org | Pedro Castaños © cc-by-sa: txikillana

Pedro Castaños, paleontologua eta Aranzadiko kidian hitzaldixa gozatu dogu, lehelengo-lehelengo ordutik bete-bete eginda dagon hitzaldi aretoko guztiok. Eminentzia bat. Harrigarrixa da, gurekin kobara sartzen danian ezpal txiki bat eskutan hartu ta: "¡Oh! ¡Pero si es una pelvis de rinoceronte!" esan leike adibidez, danok ahozabalik lagata. Kobetan hainbestetan aurkitzen doguzen hazurtxo hórrek interpretatzeko ezinbestekua izaten da paleontologuen laguntzia, eta era berian eurendako gure jarduna aurkikuntzen itturri agortueziñezkua izaten da.

Giza arrastuak

Argazkiak.org | Tana © cc-by-sa: txikillana
Juan Carlos Lopez Quintana, Agiri taldeko arkeologua eta Santimamiñeko exkabaziñuen arduradunak bere maisuei gorazarre eginda hasi dau bere hitzaldixa. Izan be, Jose Miguel Barandiaranek oin dala 52 urte UEV-EEE-ko I Jardunaldixetan bertan emondako hitzaldixan oiñarrittu da, modu aktualizatu batian kobetan topau leikezen altxor arkeologikuak azaltzeko. Espeleologuekin batera elkarlan estuan ibiltzen gara, eta garrantzitsua da bata bestian lana ezagutzia arrastuak txarto manipulatu eta hankia ez sartzeko.