Martxoaren 22ko albiste sorta honekin
irribarre gazigozoa etorri zait, Bakioko alkatearen kexa irakurriz:
planifikazioa egiteko hitzorduaren zain egon direla eta... “Hara! Ez gara bakarrak”, pentsatu dut, ADES Espeleologia Elkartea ere
urte eta erdiz horrela egon baita, Bizkaiko Foru Aldundikoen deiaren zain, Armintxen
egin gabe dauden lanak planifikatzeko (harik eta duela pare bat hile, haien
deskontsiderazioarekin nazkatuta, proiekturik ateratzea erabaki dugun arte).
Elizaren, Kosta
Departamentuaren eta Udalen kexa hauek ere Aldundiaren ohiko prozedimentu
eskasaren erakusgarri dira, eta Atxurrako grabatuen aurkikuntza gogoratu
didate: urtebetez ezkutuan mantendu genuen arren, BFA-k ez zuen Berriatuako
Udala informatu ere egin; prentsatik
enteratu ziren. Orain Armintxeko lanen kudeaketa ere, bide
beretsutik doa (berriki facebooken azaldu
dudan bezala), eta zati handi baten Kultura Sailaren
arduragabekeriarengatik da. Bai;
ADES-ekoak gogaituta gaude Aldundiarekin; eta hau ez da labar-arte aztarnategi
berriak aurkitzen jarraitzeko egoerarik onena.
Nire ustea da, BFA-n inprobisazio eta
inkonpetentzia honen errudun nagusiak ez direla politikoak (Lorea Bilbao kultura
diputatua eta Unai Rementeria ahalduna, alegia). Ez; hauek inork jarritako piezak
dira, erraz ordezkatzekoak (dimisioak), eta gehienetan, aholkulariek
gomendatutakoa sinatzera mugatzen direnak. Hain zuzen ere, hortxe dago koxka:
agintaldiak joan, agintaldiak etorri, haien postuetan ongi instalatuak dauden
teknikoengan. Espeleologook “sufritzen” ditugunak –arkeologia arloan behintzat-
Mikel Unzueta Portilla jauna eta bere sarekoak dira; baina seguraski antzeko
elementu gehiago ere egongo dira. Haien nagusi politikoen erantzukizunaz gain, tekniko
hauei ere horrelako jokaerengatik erantzukizuna eskatu beharko zaie; bestela, arduradun
politikoak purgatu arren, arazoaren sustraiak ukitu gabe jarraituko du.
Oier Gorosabel Larrañaga